【本報訊】四年一度的世界盃旋風襲港，加上本港賭波合法後首度登場，狂熱球迷已四出搜尋睇波地點，更有球迷為包場觀賞英格蘭賽事展開爭奪戰。酒吧為滿足球迷紛紛加裝投射大銀幕，推出估波膽遊戲及炮製世盃特飲。有卡拉OK奇兵突出首推「睇波Pass」，供球迷在K房任睇賽事；酒店也推出住宿套餐讓球迷與親朋齊齊睇世界盃。 記者：蔡朗清
老牌睇波熱點南華體育會天台酒廊早於去年10月，已接獲球迷查詢包場睇世界盃。酒廊負責人黃志輝稱，今年世界盃編排每晚三場賽事，由晚上9時至凌晨3時開波，時間較上屆日間開場為佳，故吸引更多人睇波，「加上本地賭波合法化後世界盃首次登場，啲球迷更加狂熱。好似6月10號英格蘭對巴拉圭嗰場，有幾個爭相包場睇，酒廊都好頭痛。」
與啤酒女郎玩遊戲
黃志輝說，為迎接世界盃，酒廊加裝兩個投射大銀幕，另在露天茶座蓋上帳篷，全場最多可容納800人。世界盃期間設最低消費，每人50元起，包飲品或啤酒，「預計生意額比上屆高出三成，平均每晚逾千杯酒水。」
旺角蓋世堡酒吧負責人張先生表示，全場裝有兩個投射大銀幕及七部電視，並會加裝兩部等離子大電視。分組賽不設最低消費，啤酒女郎會與顧客玩遊戲，顧客有機會贏取啤酒女郎身上球衣。
全港擁有18間分店的加州紅卡拉OK更首推出「64場全程任睇Pass」睇波套票、「16強連續睇Pass」及「即場睇賽事Pass」，價錢分別1,288元、688元及38元，每場賽事包飲品一杯或啤酒一支。球迷可以多一個睇波選擇。
愛吃又愛波的球迷則可考慮帝苑酒店於6月9日揭幕戰當晚舉行的世界盃自助餐，品嚐各國代表的菜式，如主辦國德國鹹豬手、西班牙海鮮飯、法國龍蝦拔蘭地汁、日本魚生等；酒店Martini酒吧設等離子電視及投射大銀幕直播賽事，不設最低消費。黃金海岸酒店推出兩款世界盃狂熱住宿套餐，供球迷聯同親朋一起舒舒服服欣賞世界盃。
