噚日有份出席《百法百眾》節目，現身電視城嘅鄭文雅日前應邀擔任電台節目《有誰共鳴》嘉賓主持，喺節目入面佢揀咗好多首有個「心」字嘅歌，好似張國榮（哥哥）嘅《有心人》、梅艷芳嘅《交出我的心》。講起哥哥，鄭文雅話麗的時代已經識對方，到𠵱家都係接受唔到哥哥死係一個事實，至於阿梅，佢就話自己同阿梅個性格都幾似，都係事事講求完美。