周麗淇（Niki）、陳苑淇和葉佩雯昨日到都會商場，擔任「都會有情人直播室」啟動禮表演嘉賓。Niki透露前晚與胞姊周汶錡吃晚飯慶祝生日時，遇上大批狗仔隊追訪。問她於飯局上有否見到外籍未來姐夫？她又說：「家姐嘅私人事我唔會講，我唔會答。」Niki笑言希望將來胞姊結婚時能邀請她任伴娘，更想在兄弟團中找到另一半。
談到夢想中的婚禮，Niki表示最想能在教堂結婚，她說：「我好想喺教堂行禮，不過我又唔想為咗咁而去信教，因為我暫時未有任何宗教信仰。」
晨早買早餐
陳苑淇接受訪問時，則大爆自己15歲時的初戀經歷，她說：「嗰陣我晨早六點起身就買早餐畀男朋友食，仲呃媽咪話我咁早出去係去打波！」同場的葉佩雯就表示日前在錄音室不小心唱爆咪，慘遭男友EricKwok責罵，她說：「事前Eric已經吩咐咗我唔好行咁近支咪唱，但我就愈行愈埋，最後唱爆咪，可能要賠幾千蚊。」
採訪、攝影：李珮洳
