王菲就快生BB，連日嚟各地傳媒不停追訪佢同李亞鵬。噚日下午3點幾，有個女人揸住架車去王菲新居晴翠園，接王菲女兒竇靖童（左）同一個小朋友去舊居麗高王府，童童見有記者影相，兩個小朋友即刻用雙手交叉遮面。 雖然位女士載住兩個細路，但卻唔理安全，佢突然間慢駛，刻意引班記者走上車前影相，點知記者一到，佢又突然踩行油，仲差啲撞到一個香港記者，險象環生。