唔經唔覺，英航提供香港至倫敦嘅航線已經有70年，咁大件事梗要慶祝啦，華華知佢哋已經定咗25號，喺舊中銀大廈開Party，張請帖上仲寫到明DressCode要係30年代嘅懷舊款式，聽落都夠晒吸引。
聽講當日除咗大中華及菲律賓總經理FernandoSuarez會現身之外，又會出動空姐玩「制服」誘惑，將30年代至今嘅空姐服展示出嚟，咁都唔止，即場仲可以投票及抽獎，揀中最合心水嗰套嘅話，就有機會得到2張來回倫敦嘅商務機票㖭。
個Idea本來幾Sharp㗎，之不過，撞正今年60大壽嘅國泰，前兩日喺又一城搞Show，咁啱又係出動空姐，着晒歷年嘅制服行貓步，英航就咁俾人飲咗頭啖湯。