早前有測量師話過，環保露台將會成為新趨勢，雖然依然有人會覺得環保露台係嘥位設計，但其實嘥唔嘥位，全視乎你點用嘅啫！若然識得物盡其用，例如擺番set合適嘅木製露台家具，再種幾盆小植物，就係咁簡單，小小面積都可以變成別具風格嘅relaxarea，再加少少幻想，要有峇里Resortfeel都得！
記者：黃婉冰
攝影：陳陶鈞、譚盈傑
Model：Kristy（Salvador）
場地提供：翠逸雅園
摺合木枱椅收放自如
TARNO摺合式木枱椅，以耐用、耐水實心槐木製造，最適合露天使用。枱仔用上摺合式設計，扭鬆螺絲，枱面同枱腳便可分拆開摺合，收、放非常方便。
（枱）售價：$249.9
尺寸：55長×55闊×54高cm
（椅）售價：$119.9
尺寸：39闊×40深×79高cm（a）
露台專用小枱椅
變身私人Cafe
露台，的確係用來曬晾衫褲鞋襪嘅最佳地方，但你又有無諗過，只要加張枱，再加兩張櫈，晾衫勝地都可以即時變身成為自家私人享用嘅樓上Cafe？同Honey一邊呷住Cappuccino一邊傾偈吹風，唔使同人逼，坐幾耐都得！有少少心動呢？以下介紹幾款小型戶外枱椅，全是為露台度身訂做，揀番款啦！
通花設計防積水
焗漆鋼質圓枱、椅，款式充滿歐陸味道，最適合配襯西式家居布置。枱面和椅面均用上通花設計，賣相精緻，同時亦有助排水，可防止因積聚雨水而造成焗漆剝落，長期放露台都唔怕。
（枱）售價：$350
尺寸：70直徑×71高cm
（椅）售價：$199
尺寸：42闊×52深×87高cm（a）
懷舊玻璃枱襯仿藤椅
想易於打理，這張玻璃圓枱最適合不過，枱面用上厚身強化玻璃，可抵受高溫且耐用，襯埋張鋁包仿藤扶手椅，既有傳統藤椅的效果，但又比藤椅容易清潔打理，充滿懷舊歐陸風格。
（枱）售價：$380 尺寸：61直徑×71高cm
（椅）售價：$250 尺寸：50闊×43深×72高cm（b）
掛欄慳位又經濟
露台空間不足，BLANKO這張掛枱就最慳位。枱面兩邊設有兩個長掛鈎。可扣在露台欄河使用。不用時又可摺合起來，枱面可調校4種不同高度，既經濟又慳位。
原價：$199.9
特價：$159.9
尺寸：60長×40闊cm（a）
大熱白色藤椅
嫌普通藤椅有點兒老土？不妨考慮這款白色藤椅！上色藤椅近年大興，特別是這款白色藤椅，款式充滿懷舊味道，襯上時尚的全白色調，懷舊得來又摩登。
售價：$199.9
尺寸：58闊×58深×79高cm（a）
鋁質枱椅玩Cyber
鋁質圓枱勝在夠實淨又易於打理，加上鋁質物料耐用又唔易生銹，長期放露台都無問題，襯番張磨砂鋁質椅，充滿cyberfeel，仲有幾分似露台酒吧！
（枱）售價：$850
尺寸：70直徑×73高cm
（椅）售價：$580
尺寸：38闊×37深×83高cm（b）
大型花園家具
露天派對必備
家有花園，當然要好好用盡佢，BBQ、露天「趴地」、中秋賞月，一個花園搞掂晒。招呼朋友返屋企玩，又點可以櫈都無張？目下所見都係花園用戶外枱櫈，有經得起風吹雨打嘅木家具，亦有襟用嘅鐵枱櫈，買齊一套返屋企，咁就開咩Party都無問題啦！
１套４件２千有找
TULLERO一套四件木枱椅，包括有一張長形槐木木枱、長木椅同兩張扶手椅，成套２千蚊有找，價錢夠晒經濟，放在花園仔啱啱好。
全套售價：$1,690 （枱）尺寸：118長×70.5闊ｘ47高cm
（椅）尺寸：61闊×45.5深×84高cm（a）
木ｘ鋁設計簡約
鍾情簡約又要夠摩登，這套Broadbridge用上淺色木料，視覺上較光猛，枱腳和椅腳用上磨砂鋁質料，以木材襯上金屬，款式簡約得來好有westernstyle。
（枱）售價：$3,500
尺寸：90闊×90深×75高cm
（椅）售價：$1,500
尺寸：約66闊×49深×89高cm（c）
中間可放高熱器皿
KVARNO槐木四方枱，枱中間特別加有一塊不銹鋼板，剛煮起的燙熱器皿就可置於中間，枱下還有雜物層格，可放雜誌或雜物，可襯埋同系列的弧形長椅，坐得舒服。
（枱）售價：$1,190
尺寸：100長×100闊×72高cm
（椅）售價：$790
尺寸：100闊×34深×45高cm（a）
摺合設計細變大
APPLARO摺板枱，由2塊活動摺板組成，兩邊木板拉開便成了一張長枱，枱面可隨意變大變小，將兩邊木板摺合起來後便於收藏。襯埋BOLLO槐木摺椅，襯到絕。
（枱）售價：$990
尺寸：133長×62闊×71高cm
（椅）售價：$169
尺寸：36闊×54深×46高cm（a）
可以插埋太陽傘
烈日當空，坐幾粒鐘無番把太陽傘遮一遮點得？這張由馬來西亞入口的圓形木枱，中間可插巨型太陽傘，最適合夏天BBQ用。記得買埋張闊身木扶手椅襯埋一套。
（枱）售價：$2,200
尺寸：106直徑×71高cm
（椅）原價：$580特價：$480
尺寸：66闊×49深×89高cm（b）
雙人搖椅坐得涼爽
雙座位搖椅，全張以網布製造，夏天一邊坐一邊搖，涼風送爽，加上透氣網布質料，夠晒涼爽。搖椅擺幅度唔會太大，一家大細都啱坐。
原價：$1,100 特價：$900
尺寸：64闊×90深×107高cm（b）
坐椅儲物箱2合1
外形仿照公園石櫈款式的儲物公園椅，全張以不碎硬膠製成，把座位面板打開，可用來存放大量雜物，不碎硬膠耐用又實淨，易於清潔打理。
原價：$2,600特價：$2,100尺寸：132闊×58深×83高cm（b）
SHOPLIST
（a）宜家：沙田鄉事會路138號新城市中央廣場L3及L5（31250888）
（b）大新帆布帳篷：旺角亞皆老街122A號地下（23046345）
（c）indigo：鴨脷洲利榮街2號海怡工貿中心6樓（25550540）
木家具愈來愈熱
近年木家具愈來愈興，加上東南亞resort熱潮和環保露台的興起下，戶外木家具就更加成為戶外布置的首選，而市面的木家具亦愈出愈多，但需知道並非每一種木都可以用作戶外用途，「一般可用作戶外用途的有槐木、柚木、松木，雖然柚木木質同槐木一樣堅硬，但價錢比槐木貴，而松木木質比較軟，耐用性相對比較低，而槐木則較經濟而耐用，是近年較興用的木料，而且槐木本身有一種獨特的氣味和養份可以防蟲蛀。」宜家產品經理Dasmond表示。
戶外木家具保養小秘訣
使用戶外家具時如果保養不當，木質會變髒、變壞甚至會出現蟲蛀的情形，會大大縮短木家具的壽命。唔想咁貴買套家具返嚟只用得2、3年，咁就要學識保養，家陣就等專家教你幾招傍身！
1.定時上油
如果買回來的木家具是由表面未經過處理的木材製成，買回來後，最好先在家具表面塗上一層油或光漆，這樣做可有助保護木質和防止變髒。如木質本身已經過油處理，在購買後亦應該立即用油再進行處理，以後定期每年做1次，便可令木質家具更耐用耐看。
2.用清水清潔
上油前記得要先進行清潔，清潔時亦應該用清水或選用溫和的清潔產品清洗或刷洗，用清潔劑清洗後，記得再用水沖洗乾淨，然後晾乾，最後才進行上油程序。
3.蓋好防雨淋
木製家具要經常保持乾燥，特別是戶外家具，所以在雨天或潮濕天氣下，最好把戶外家具蓋好，防止家具受到風雨侵襲。
