肥平入親廟都唔老黎？有超過270年歷史嘅九龍城侯王廟經過大修之後，噚日舉行開光大典，請到肥平做主禮嘉賓，點知天公不造美，搞到肥平淋咗半個鐘頭雨。 乜冇人幫局長擔遮咩？唔知係咪啲工作人員同肥平唔熟，所以擔遮都照顧咗啲區議會主席先，肥平自己啲隨從就唔知閃咗去邊，搞到老細淋到滴晒水。記者問肥平辛唔辛苦，佢就話「慣㗎啦」。雖然佢個新聞主任事後解釋因為怕阻住記者影相唔敢行咁埋，但咁搞法，整病老細點算呀？ 區民傑攝 傳真︰2623-9278 電郵︰[email protected]