陳太同煲呔嘅關係真係好飄忽，喺回歸前後佢兩個情同姊弟，同撈同煲，互相扶持。但係曾幾何時，煲呔當上了新的特首，陳太就覺得佢愈嚟愈離譜，根本置港人利益於佢自己嘅個人利益之下，實在忍無可忍，於是出現「姊弟」公開駁火嘅場面。不過，香港又真係太細，佢兩個呢頭面左左，嗰頭又結伴去澳門遊玩，你話係咪俾佢哋玩死？陳太話咗唔會講嘢，因為佢哋可能真係一句正經事都冇傾過，只係吃喝玩樂，定期聚會。但係大家唔使失望，陳太今個星期四晚會出席亞洲出版業協會（SOPA）嘅周年頒獎禮，到時佢會發表重要講話。
SOPA每年嘅主禮嘉賓都好猛料，舊年就請到馬來西亞前副總理安華（AnwarIbrahim）出席，佢喺台上抨擊亞洲好多國家借團結國家為名，犧牲人民嘅自由同人權，真係激。
傳真︰2623-9278
電郵︰[email protected]