蘇施黃說交朋友要揀擇，現時自己「篩吓篩吓，篩剩唔多」，做她的朋友最重要的條件，是要真誠。
蘇施黃說：「我係心諗乜嘢，塊面就會做晒出嚟嗰種人，我好憎你就好憎你，我唔鍾意嗰啲成日笑呵呵互相擦鞋嘅人。」
喜愛熱鬧，經常呼朋喚友是蘇施黃的生活特色，她說：「可能我怕寂寞啦，啲人話『阿蘇兩個人食飯，差人拉㗎』，我鍾意大班朋友一齊，人係需要群體生活嘅，我屬羊嘅，羊係一群群嘅，唔會單獨一隻喺度躝吓躝吓。」
「牌品唔係幾好」
蘇施黃和陳潔靈、張國榮老友人所共知，蘇施黃透露和兩人是在麻雀枱上相識，講起和張國榮打牌的趣事，她笑說：「佢都唔係打牌嘅，成日好似打保齡咁，將隻牌一車咁車埋去，撞冧晒對家啲牌，佢啲牌品唔係幾好。」
蘇施黃稱圈中朋友不多，她說：「我圈中嘅朋友死剩一半啦，我圈中冇乜朋友㗎，最老友得佢兩個（陳潔靈和張國榮），仲唔係死剩一半？」那她在聖士提反女校的舊同學、兼當年邀請她加入商台的俞琤呢？蘇施黃想了想說：「呢個問題唔答。」然後又數着手指說：「老友……老死……佢係我老闆。」