細孖向來身子弱，點知最近又話病，仲做埋手術，唔好話關仁黑心，有時佢公司啲藝人有乜新聞，關仁都半信半疑，因為佢哋公司好識宣傳。好似年前大細孖去內地做嘢時話幾乎交通意外，細孖仲整親頸，關仁聽細孖朋友講話所謂出意外時，細孖喺車度同朋友講笑話，笑到鬼咁大聲，根本冇事，但為宣傳，佢返香港都作狀入醫院，但佢未到醫院時，全世界已經收到風佢會睇醫生。