Dennis你知否你在公司有個花名叫「兜路王」，連住馬鞍山的女同事阿蓮，都怕了坐你的順風車，原因好簡單，你兜路囉。你由將軍澳去馬鞍山堅持不走大老山隧道，轉而經由西貢往西沙路走，其實兩段路程都是三十多公里，經西沙路只走多約五分鐘，你還慳了$15隧道費呢。怕且可能是你的笑容太可愛，駛經西貢的樹林，便會惹女孩子亂想一通，以為你想……但我卻認為是你駕駛不夠暢順，令人坐得不安呢。
我坐過你車，你每次使用離合器轉檔，總是快快一腳，令部車跑馬仔，這種急促鬆離合器方法，俗稱「彈極力子」，離合器一次過將扭力傳到車輪上，由於車速和引擎不配合，行車便會出現「ChukChuk吓」的情況。你部車行駛了18萬公里，你第二套離合器也快將打柴了。或者你又會問：「你又點知呀？」很簡單，你離合器的腳掣，磨點是不是愈來愈高呢？另突然加速時，引擎又只是高轉，沒有加速感呢？有，代表離合器已「打柴」了。駕車要暢順，不是學人LateBrake或「遲彎」便叫快車，你這樣「彈極力子」，只會令汽車重心失去平衡，很易會打白鴿轉呢。
記者：伍旋卓