只不過係短短2、3個月無嚟黃埔，已經發現一啲舊店執咗，換咗幾間新食店進駐，當中有從西貢同荃灣進駐黃埔開分店嘅甜源居同金水，另有主打潮菜嘅新店滿潮同連鎖店太興燒味，雖然每間食店都走唔同路線，但每家都有獨家秘製嘅招牌菜式，唔係度度都食到㗎！
記者：曾靜茵 攝影：周旭文
甜源居自創彩虹仙子
在西貢開業已六年的甜源居上星期進駐黃埔，以後唔使山長水遠都可試到該店始創的芒果河粉同榴槤班戟。老闆Cindy話唔怕出面同行抄襲，因為佢不斷創製新口味，好似彩虹仙子，當中以5種不同的水果混入做成五彩繽紛的粉條，入口就好似將啖啖的果肉食落肚。
彩虹仙子$30
以蒟蒻及海藻創製而成的彩虹仙子，以5種不同的新鮮水果，包括奇異果、蜜瓜、西瓜、芒果、士多啤梨及新鮮椰子汁，打成汁混入蒟蒻及海藻內，製成色彩繽紛的粉條，入口爽滑，再配以蘋果汁底，非常清甜。
榴槤班戟$30
將頂級的金枕頭起核後，配以秘方炮製的忌廉，入口特別幼滑，加上陣陣的榴槤香味，口感與別不同。
食客楊太：「蛋白杏仁露嘅杏仁味好香，我囡囡Natalie就話好鍾意嚟食嘢喇！」
甜源居（26271212）
紅磡黃埔新邨民泰街37號地下
當旺金水每日空運海產
在年頭才於荃灣開業的金水，唔夠幾個月又在黃埔開分店，在未來兩個月更打算在尖沙嘴再下一城。經理Gary話黃埔店內有三成的菜式主打傳統日本菜，當中的海產刺身每日入貨，由日本空運來港，其餘七成的菜式則主打創意料理，就如以芒果來代替紫菜炮製出外冷內熱的反卷，也有薄餅口味的餃子。
香芒軟殼蟹反卷$78
以新鮮芒果片包着軟殼蟹及青瓜絲，上碟時軟殼蟹還卜卜脆，外冷內熱的口感非常過癮，內裏還加入了XO醬，夠晒惹味，無論大人細路都咁啱食。
餃子薄餅$48
豐富餡料的日本餃子煎香後，再加入茄汁、辣椒仔汁、雜菜粒以及香濃的意大利芝士一同烘焗，陣陣的芝士香氣讓你一試難忘。
住喺黃埔嘅Alice（左）及Niki（右）：「呢度嘅蟹子手卷好好味，我哋一人叫咗一個，其他壽司好似帶子、鰻魚、蟹柳都好鮮甜呀！」
金水刺身居酒屋（27241388）
紅磡黃埔新邨德民街31號地舖D室
滿潮豪裝秘製魚麵最經典
上個月在黃埔開業的滿潮，用上櫸木的色調加上金光閃閃的燈光，晚上看起來很具氣派。別以為新開的潮館必定要創新，其實翻開餐牌，全是傳統經典的潮菜，特別推介自家秘製潮式炒魚麵，師傅話：「因為魚麵嘅製作過程好複雜，喺其他潮菜館都好難食到，加上要炒得乾身又唔黐鑊，需要一定嘅功夫先做得到。」
紅燒潮州翅$198
選用上等的五羊片，再加以上湯燜煮超過4小時炮製而成，入口軟滑腍身，是紅燒潮州翅的特色之一。
潮式炒魚麵$58
自家製的炒魚麵製作甚花工夫，除了要將新鮮打成的魚膠碌平後再切絲，還要與其他配料炒勻。由於魚麵容易黐鑊及出水，所以要炒出爽口乾身絕不是易事。
菊花石榴雞$68
雖沒有菊花也沒有石榴，但這是一道甚花工夫的菜式。首先將蛋白煎成薄薄一片的蛋皮，然後再加入鮮雞粒、雲腿粒、冬菇粒及冬笋粒包好，蒸熟後打上琉璃芡即成一個個精緻的小禮物包。
食客Wilfred：「呢度嘅凍蟹好新鮮，加上無用味精，食落啖啖都好鮮味，肉質仲好爽甜。」
滿潮正宗潮州菜（27739878）
黃埔花園第二期G6舖
太興新店獨家懷舊雞
上星期進駐黃埔蔡瀾美食坊的太興新世代，走摩登燒味餐廳路線，除了出晒名嘅化皮燒肉，亦有不少創新菜式如青芥辣焗燒肉飯等，更有兩款獨有的傳統燒味美食只限在此店發售，當中包括有迷你鴨腳包及Q版金錢雞，兩款均改良自六七十年代的香港燒臘檔美食，現時在外間很少可以食得到。
迷你鴨腳包$12/件
舊式的鴨腳包以鵝腸或鴨腸包裹而成，現改以煙肉包着已去骨的鴨掌、叉燒、鵝胸肉及鮮蘆笋，咬落啖啖肉之外，仲有豐富肉汁，非常惹味。（只限午巿及晚巿）
Q版金錢雞$8/件
以爽口的沙葛代替肥豬肉，再與新鮮的雞肝及切成薄片的叉燒叠成，入口既甘香又爽脆，內裏亦藏着豐富肉汁，惹味可口。（只限午巿及晚巿）
焗蜂蜜香桃汁叉燒飯套餐$48(上)
焗青芥辣忌廉汁燒肉飯套餐$48(下)
脆皮的燒肉配以青綠色的芥辣來烘焗，每吃一口都帶給你刺激的味覺享受。另外，加入了香桃與蜂蜜來烘焗的叉燒，食落更香甜多汁。
蔡瀾：「呢兩款新產品製法好聰明，金錢雞識得用沙葛代替肥豬肉，同傳統嘅口感一樣咁爽，而且更清新健康。」
太興新世代（23306502）
黃埔花園8期蔡瀾美食坊1樓108-109號舖
