𠵱家啲富豪第二代嘅男女關係都幾混亂，好似錢莊大少爺同老婆搞離婚，手續都未搞清，佢就同另一富商嘅千金已經又想拉埋天窗。而錢莊大少嘅前妻甩咗身，一樣好快同另一個富豪第二代行埋，仲諗住喺年底結婚，最好笑係佢未婚夫一樣係未搞清離婚手續，但佢哋又心急組織新家庭，所以都唔理咁多。錢莊大少嘅前妻最近仲請專人教佢搞吓形象，希望有個新形象畀人睇。