亞視收視向來麻麻，加上近日無綫推出《火舞黃沙》同《向世界出發》，令亞視更加弱勢，9點至11點時段下挫至4點收視（約26萬觀眾收看），故亞視決定由明日開始臨時抽起10點半時段，分別由葉璇（圖）、張文慈、劉天蘭等主持嘅節目《女人的符號》，改播程介南主持嘅時事節目《亞洲新視野》。處於打仗時期，亞視急於將正在趕拍中嘅《情陷夜中環2》喺本月29日晚上9點半推出，力挽狂瀾。