喺台劇《流星花園》度飾演藤堂靜嘅台灣藝人錢韋杉，噚日出閣，因為佢有身孕，新郎邱宗志就含情脈脈話好怕老婆由朝到晚行婚禮會太攰喎，真係甜蜜喇。錢韋杉喺台灣擺酒外，仲會喺拉斯維加斯教堂行禮，但佢話主要係同親友分享喜悅，所以冇乜排場，一套婚紗着到尾，不過套婚紗都成八萬蚊港幣，咁都話冇排場，唔知點先叫有？
