《M:I:III》職業特工隊，當年的靚仔湯𠵱家已經變成靚佬湯，作為佢的Fan屎，由佢一手一腳搞嘅「職工盟」又點可以唔捧吓場呢?!一入到戲院已經聽到熟悉的主題曲，另一個期待當然係MaggieQ嘅性感演出啦！今日唔想講套戲內容，而係當中有一個Gag位係MaggieQ專登搞畀我哋香港人享用。話說有一幕戲講MaggieQ整污糟咗PhilipSeymourHoffman件衫，於是佢好自然同佢道歉，但好衰唔衰佢唔係講英文「Sorry」，而係講咗句廣東話：「對唔住呀，我好×盡！」個「×」講得好大聲，引來全場爆笑！之後我同朋友不斷討論呢個問題，究竟係「我好論盡」、「我好×蠢」定係「我好×盡」呢？綜合各方意見，我哋都得出同一個答案：「點解佢要同個鬼佬講廣東話呢？」無諗到今次睇《M:I:III》嘅最大得着，竟然係MaggieQ呢個驚喜。
