昨日關智斌（Kenny）聯同澎馬流浪現役球員文彼得出席新城活動，並獲委任為「世界盃大使」，兩人即場示範控球，Kenny表示平時有跟文彼得學踢波，難怪他用心口控球時似模似樣。
「左腳幾勁」
Kenny笑言可以在球隊中負責任何崗位，他說：「我可以踢左後防、前鋒同左翼都得㗎，我左腳都幾勁。」而Kenny小時候更試過赤腳踢波，他說：「以前都會去長洲玩，見到嗰度嘅細路赤腳踢波，我咪又跟住咁樣同佢哋玩。」
至於足球員文彼得加入娛樂圈後，要把時間分配在拍戲拍廣告，他說：「試過拍廣告拍通宵，一朝早未瞓過就要去球場晨操。如果冇比賽就影響不大嘅，如果有比賽就會影響到。其實球員生涯好短，都有諗過之後做足球教練。」
採訪、攝影：王連連