讀者關小姐投訴，其菲傭早前以二千八百元，從旅行社購買港聯航空公司來回香港及菲律賓老沃的機票。關小姐說：「我個工人原定四月十九日九時四十分搭飛機喺老沃返香港，但去到機場先知取消咗航線，要另一間公司安排返港。」
被迫臨時請假
擾攘大半天，其菲傭仍未能即日回港。關小姐說：「我位工人等到下午五點，先確定最快要第二日走，仲要改去馬尼拉機場搭。我工人被迫額外畀錢，好辛苦坐十個鐘頭長途巴士，趕去馬尼拉。因為菲傭返唔到嚟，搞到我要臨時請假。最難接受係，港聯喺四月十二日開始停飛呢條航線，但十九號嘅乘客都冇人通知到，事後連道歉信都冇封。」
港聯航空回覆本報，指往返香港及老沃為包機服務，因遭其他航空公司向菲律賓政府反對，致營運申請未獲批核，航線於四月十二日開始取消，乘客的直接額外開銷，公司願作賠償。
檔案編號：0420027
話你知：包機價廉服務欠穩定
消委會發言人指，該會未曾接過包機航線的投訴。而旅遊業議會主席何麖霆說：「旅客最好買定期航線嘅機票，因多數係國營或有實力航空公司提供，航權談判差唔多係政府層面，有保障好多，但包機雖然可能平啲，但服務冇咁穩定，特別係涉及落後國家嘅航線，有問題機會可能高啲，因佢哋未必咁守承諾。」
蘋果投訴熱線：29290000
社會服務熱線：29908288
傳真：23702192
電郵：[email protected]