徐濠縈和黃偉文昨日到銅鑼灣D-mop出席adicolor活動，同場更有三位著名外藉創作人JeremyScott、BillMcMullen以及VincentSkoglund。早前有雜誌拍下徐濠縈與一名中年男士夜蒲，文中更指該男士「湊口靚妹」，原來這位男士是D-mop的老闆之一，昨日都有出席活動。
徐濠縈透露身邊有不少男性好友，她說：「嗰本雜誌出咗之後，相入面嗰個朋友就打電話畀我，我覺得佢好慘呀，人哋個女都20歲啦，話晒佢都係型人一名呀，雖然佢係其貌不揚，但係都唔好用到『湊口靚妹』呢啲字眼呀。」徐濠縈又指多年來已累積了不少緋聞男友，她曾於生日會上邀請七至八名緋聞男友大合照，她笑說：「我諗再咁落去我嘅緋聞男友會遞增，張相會愈嚟愈大張。」
未再懷孕
此外，對於近日不斷有傳徐濠縈再次懷孕，她否認並說：「你睇我瘦到咁就知單料流到不得了啦，我同Eason都未有計劃咁快再生。」
採訪、攝影：李珮洳