陳曉東激光矯視感觸多

陳曉東噚日以一頭短髮嘅新形象去到內地網站接受訪問，東東原來啱啱做完激光矯視手術，醫生叫佢唔可以接受強光，所以差唔多全程都帶上黑超做訪問。喺訪問入面東東講返入行10年嚟嘅風風雨雨，講到自己喺94年出道時嘅第一張唱片，佢就話到𠵱家仲成日聽返，又話咗自己把聲變咗，感觸良多。