香港旅遊業議會由總幹事董耀中，一次過帶百幾個成員噚日去咗澳門訪問同考察兩日，實行主動出擊，向澳門鏵哥取經。
八方冇去濠江一陣，差啲都唔認得方向，漁人碼頭不斷擴展，永利渡假村差不多落成，新葡京就24小時趕工。唔講唔知，位於氹仔大橋橋頭嘅凱悅酒店（Hyatt）做埋下個月就唔做，原來大業主燊哥攞番嚟自己搞，結束同凱悅23年嘅合作關係，間酒店停業一段時間會再開門，改名叫做麗景灣酒店。
至於啲員工，部份話會調去新葡京，部份未知去向，但係𠵱家澳門旅遊娛樂事業咁旺盛，氹仔準備開咁多新酒店，真係唔憂冇嘢做。
傳真︰2623-9278
電郵︰[email protected]