無綫慈善節目《獅子會愛心善心金禧夜》下周六晚（27日）在將軍澳電視廣播城舉行，昨日表演嘉賓許志安、陳小春、關心妍和鄭希怡等齊集尖沙嘴美麗華酒店出席宣傳活動，推廣長者診症優惠卡服務。
許志安下月接拍無綫新劇《肥田喜事》，之前此角色競爭激烈，更有指安仔以低價截糊，撼贏方中信，安仔解釋說：「冇聽過呢個消息，只係知有一日梁家樹（監製）搵我話有個角色好啱我，我入行第一套劇係佢做導演，自己都十幾年冇拍劇，驚累街坊，但無綫係一個好平台，劇集同角色對我都好大幫助，所以唔係為錢，平唔平都係出心為無綫啫。」
關心妍贅肉多
而關心妍當晚會獻唱六首經典金曲，至於會否配合80年代的經典打扮，她說：「如果係嘅話，我諗要用腰封紮住條腰先得，嗰個年代啲女人好多都得22吋腰，當年可能少零食，相比𠵱家好難搵到22吋腰女歌手，真係要參考吓小鳳姐條纖腰。」而鄭希怡則會以性感打扮上陣獻唱新歌《狼女》。
採訪：卓寶花
攝影：仇志德