崔建邦與唐詩詠不時出雙入對，但從不承認拍拖，前晚他們結伴到尖沙嘴睇蘇永康和黃丹儀演出，被記者撞個正着，二人即驚惶彈開。唐詩詠不敢再黐着崔建邦兼語無倫次，但這段戀情已是紙包不住火了。
前晚黃丹儀在尖沙嘴M1Bar舉行音樂會一展歌喉，演出至中段，無綫新紮主持崔建邦與唐詩詠忽然雙雙到場，二人甫見記者即各朝左右彈開，並面露尷尬之色，猶豫一刻後，兩人只好繼續進場。只見崔建邦一邊扮講電話，一邊自行找了一張枱坐下，跟隨其後的唐詩詠見崔建邦坐定後，卻忽然站在行人通道上不敢再前進，呆立當場顯得非常突兀。
忽然語無倫次
問唐詩詠是否拍拖來捧黃丹儀場？她說：「唔係，邊係一齊嚟啫，我都唔係嚟睇騷，只係約咗朋友一齊嚟消遣。」她又突然自稱做過一次酒吧騷，企圖扯開話題，問她是否常與男友崔建邦來消遣？唐詩詠說：「我啲朋友好少落嚟。」並且笑得相當尷尬，還語無倫次道：「我平時夜晚都去跑步，因為我想增肥，𠵱家瘦到80磅，我想增到100多磅。」
問唐詩詠男友是否想她胖一點？她說：「個個朋友都想我肥啲。」問到拍拖有否知會公司？唐詩詠終衝破底線默認道：「公司都冇問過，我冇諗過呢樣嘢。」問二人拍拖多久，唐詩詠說：「我哋《K-100》時已經識。」接受完訪問後，唐詩詠見記者走開，才敢坐回崔建邦身邊。
而蘇永康前晚擔任緋聞女友黃丹儀的音樂會嘉賓，與鄧建明分別上台和黃丹儀合唱，現場超過200位酒客，但反應一般，康仔事後自稱從未唱過酒吧騷，也很久沒有在港演出，他指近日忙於在內地拍劇，稍後要去台灣錄歌。
康仔無懼攬女
康仔年前在台灣因藏有搖頭丸而接受勒戒，問他到酒吧可會比前小心？他說：「酒吧我會照去，唔好做啲唔做得嘅嘢囉，我份人行得正企得正，單身男人唔使解釋咁多，我係正常人，失婚男人，見到我攬女又點啫？之前都俾人影過。」
康仔又突然解釋年前與黃丹儀的緋聞，表示二人是20多年的好友。提到謝霆鋒聲稱被朋友盜去支票欲提款50萬，康仔說：「我冇聽過，上得佢屋企都係圈內人，有呢啲事發生好傷感情。自從徐濠縈結婚後，我都冇見過佢。」
採訪：張俊銘 攝影：陳俊強
