多位曾接受新城娛樂台訪問的城中女當家包括富豪酒店太子女羅寶文、楊諾思及趙世曾千金趙式芝等，昨日往蘭桂坊出席「好當家派對」，其中以一身性感打扮的羅寶文最為注目。
當影大合照時，羅寶文跌了紙巾，在旁的趙式芝提醒她跌了東西，她即俯身拾起紙巾，事後她埋怨趙式芝說：「下次我跌咗嘢，你咪再叫我執啦。」
「女人唔易做」
羅寶文謙稱自己未算是成功當家，她說：「我認為成功當家嘅要訣係以柔制剛，例如有啲行業好似建築業係男性主導，就要融入佢哋嘅文化。」問羅寶文是否與男性齊講粗口以融入他們？她說：「呢樣（粗口）就真係講唔出口，唔識運用。」
此外，楊諾思大歎女人不易做，她說：「我喺屋企對住仔女要做鞭策嘅角色，對住老公（張堅庭）就做番個小女人，公事上就要管人，的確好難平衡。」
採訪：DebbieLum
攝影：ChanChiLam