新世界中國係較早喺內地大規模投資嘅本地大財團，早排佢哋廣州嘅凱旋新世界廣場，成為廣東省省情調查研究中心評選為廣州20個大型高尚住宅項目社區之首，成為廣州市民最滿意高尚社區。
評審嘅標準包括環境、交通、規劃及配套、戶型、物業管理、建築設計、房屋質素、服務同埋開發商誠度等，並會喺每個社區隨機抽取一百多名業主評分，最後凱旋新世界以總分89.4居榜首。仲有，得分高另一原因，係新世界喺當地社區文化上做咗好多工作。
聽聞呢個研究中心係專為省委、省政府及有關部門提供決策參考，並且由廣東省多位領導擔任高級顧問。睇怕今次新世界攞到好成績，日後喺廣東搵項目都易啲。當然，新世界又唔會淨係對南方省分好，佢哋近日亦都捐咗100萬人仔畀天津殘疾人聯合會。