打扮性感的官恩娜（Ella）最近忽然收斂，更以中性形象示人，莫非她變了斷背一族？原來Ella只是為宣傳新歌，才搞搞新意思。不過官恩娜跟索女模癡纏拍照後，卻表示曾有同性向她示愛。
官恩娜最近為新歌《美麗革命》一改性感形象，不時女扮男裝，穿上西裝示人。Ella對於新形象非常喜歡，她說：「𠵱家都不知幾好，又唔使驚走光，鍾意點郁就點郁。其實我首歌係講想試吓擺脫以前嘅自己，所以就搞搞新意思囉，咁都好啱我呀，咁其實我都可以成日都係咁露，但露得幾多呀。」
拒絕同性愛
問到Ella轉了新形象後有沒有多了斷背歌迷，或吸引了同性戀者向她示愛？Ella說：「咁又唔知有冇多咗斷背歌迷喎，我都冇理嘅，佢哋（歌迷）鍾意我咪得囉。我以前讀女校，都試過有女仔向我示愛，咁我當然拒絕啦，我好清楚我自己係鍾意男人。」不過Ella不諱言自己亦有不少斷背朋友，但她的立場則非常鮮明。
富幻想空間
就如Ella與女模拍照當日，Ella應要求與女模親暱番，要她挑逗女模，Ella顯得非常拘謹，動作很生硬，反而女模比她更投入。當兩人四目交投時，Ella忍不住說：「我好肯定我係唔會鍾意女人，唔知點解硬係有啲尷尬。」不過她又說兩個女人令人幻想的空間更大，比一男一女更甚。
採訪：胡比
攝影：葉君海
場地提供：BalalaikaRussianRestaurant
女模服裝：PauleKa
