「香港人鍾意食海鮮，我一日都賣唔少蝦㗎！」無錯，何小姐講啱咗，港人確係愛吃海鮮。人人都知道海鮮愈新鮮愈好食，新鮮的蝦，殼應是青灰色的，透明有光澤，頭身緊密連接。「蝦含有大量的蛋白質，如果變壞的話，蝦中的蛋白質就會分解，產生毒素，還會產生大量微生物，影響健康。」所以揀蝦時，要留意蝦身的顏色，最好用手按一按蝦身，新鮮的蝦肉質結實有彈性，相反，就會霉爛，感覺軟腍腍。
「除了蒜茸煎和白灼，很多太太都會自己買蝦打蝦膠㗎！」點先可以打到靚蝦膠？打蝦膠要用新鮮游水蝦才會做到起膠、彈牙的效果。而且去蝦腸洗淨後，一定要用厚布將蝦抹至全乾，攪蝦膠時亦要維持同一個方向。調味之後一定要撻蝦才能製成蝦膠。