我們在公司也談及慳油的問題，我以前的MX-5一個月用$1,000油錢，不是部車慳油，只是住得近，用來返工外，不常出來Hea。Dennis經常說自己部Corolla好慳油，一個月只用$2,000油錢，我絕對同意Corolla慳油，但以他的用量及油價，$2,000油錢絕對是MissionImpossible。我們試了解一下Dennis的用車習慣。他每日也會用車，車就是他的腳，由他的屋企開車回公司約34km，來回便是68km。Dennis是個勤力的員工，一個月休息5天，即25天用車返工，每月單是返工已行多於1,500km。此外Dennis對駕駛充滿熱誠，對同事十分之好（尤其女同事），放工後經常遊車河才回家，又常到不同飛車熱點觀摩，或是專程開車到鹿頸食三文治。更重要是Dennis經常仗義借出Corolla給車版同事工作使用（其實是我），自己又駕車出外開工，保守估計這一類的用量也要1,000km，合計起來，Dennis一個月最少行2,500km，據他說他的車可做到$1/km，即每個月最少也要$2,500油錢。此外，以我所知他的計算方法只是以着油燈入$200油，再行到着燈，便常說：「我部車$200行到幾多幾多公里！」大佬呀！咁樣計耗油量邊度準㗎？你應該先去油站入一次彈槍油，然後把里數Set至0km，然後行至着油燈，再去入多次彈槍，記錄低行了多少km及入了多少油，以油錢除行車里數，得出的耗油量便是最準！Dennis，夠膽就做一次！話畀全世界人知你就係車版慳油王！（Dennis按：我拒絕回應。)
記者：袁國基