王維基檔城市電訊噚日公布中期業績，一如所料繼續輸錢，仲要輸成5千幾萬，都咪話唔甘！唔知係咪想慳番啲，所以唔租酒店，留響葵芳大本營開記招同埋分析員會議。老王就話係因為噚晚仲要同全體同事開員工大會，講解吓份業績，所以咪唔出中環金鐘囉！蝕咁多，就算你話慳都冇人會怨你嘅。
話時話，老王呢排好似好疏乎唔使do，大家估佢係咪淡出，佢話只係想將啲嘢下放畀左右手COO楊主光同埋CFO黎汝傑，好似噚日開PC之前佢都去游水，不過佢絕對唔係唔撈，仲好有野心同二少檔8號仔鍊過㖭!
仲有，老王早響4月1日實施5day工作兼提倡早收工，公司上下不知幾happy，員工亦加多幾錢肉緊。唔知呢啲政策幾時會響將軍澳工業邨出現呢？