陳小春噚日去商台擔任《萬世巨星》嘉賓，呢排佢因為拍戲而要留鬚，不過佢覺得自己嘅貓鬚比較稀疏，唔係咁有型喎。小春話如果佢撇鬚好似奇勒基寶（ClarkGable）咁有型就冇問題，但係𠵱家係奇勒基春，一啲都唔好睇。小春今個星期公益金活動可能會剃鬚籌款，不過佢講笑話啲鬚咁疏，到時真係籌條毛！小春又話呢排成日見到將為人父嘅張智霖，覺得對方好「花靚」，一啲都唔似做人老竇。