將車泊喺西貢某個屋苑嘅停車場時，旁人突然大叫：「嘩！難得一見嘅驚世好車喎。」聽完之後，竟發現一部鮮黃色的TVR跑車……話說回來，這家英國的著名跑車製造商，都有好多年無新車推出囉，今期《AUTOCAR》就搵來廠方嘅高層做訪問睇吓佢哋嘅未來路向。報道中，高層NikolaiSmolenski希望藉着重整公司及車系架構，令TVR重振雄風，每年可以生產5,000部車咁話。
揸開篷車行雪地？ 咪搞我！
再揭落去，見到《AUTOCAR》編輯部又有新搞作，就係搵人揸住部新款紳寶9-3開篷車，在冰天雪地的環境下，穿越整個瑞典，睇相就知個Feel幾好呀，仲表現出部車耐用性唔差，都幾捱得，不過你叫我呢個咁怕凍嘅人咁試車法，真係咪搞。
記者：鄭達基
