胡定欣入行三年，以往仍是個讓人掛在嘴唇邊、但永遠講不出名字的藝員，但隨着她跟吳浩康的戀情被揭發後，很多人開始認識她。一夜成名自然更受注目，但吳浩康近日不斷與異性夜蒲，胡定欣惟有叫他小心。
胡定欣曾經參加過新秀，之後再參加《TVB周刊》舉辦的COVERGIRL選舉後奪得冠軍，並立即加入了第18期藝員訓練班，同時放棄正東試音合約，自此正式加入藝員行列，每年均有藝員訓練班畢業生，胡定欣還算是好彩的一群，不久有機會拍劇，好像《美麗在望》、《衝上雲宵》、《大唐雙龍傳》、《酒店風雲》。
未彈出冇失望
每一套劇都會有新人彈出，問題是哪一位，同期的唐寧、姚子羚都已經有機會擔正，對此胡定欣並無失望，她說：「我仲係一個BB，經驗尚淺，喺呢行唔係鬥快，最緊要做好自己嘢，我呢三年都幾順利，唔會大起大跌。」
藝人靠緋聞出名，當中有真有假，胡定欣被偷拍到跟吳浩康出海暢泳，之後順理成章公開戀情，雖然她希望人們不是因吳浩康才注意她，但事實如此。
「畀心機做嘢」
胡定欣說：「我都控制唔到，畀心機做嘢，觀眾會識睇，希望第日所有人係留意我嘅工作，我更加唔會因為戀情公開所以有人識我而開心。」至於吳浩康屢次被拍到跟異性朋友親密接觸，身為女朋友的她未知心情怎樣？胡定欣說：「我相信佢，不過係公眾人物就要小心，經過嗰幾次之後佢已經知道咗。」
採訪：楊潔雯攝影：葉君海
髮型：JosephLui
