譚小姐
「我諗劇情方面會扣啲分，睇完覺得佢對宗教同基督徒會有啲影響，但好難講套戲有冇冒犯天主教。之前都未睇過本書，不過應該唔會買嚟睇。」
劉小姐
「成套戲唯一要扣分就係有啲血腥，我之前冇點睇過本書，唔知點講，總之覺得套戲怪怪哋，同埋佢講到教會咁樣令我有少少反感，劇情太過科幻喇。」
李小姐
「我覺得戲嘅內容都同聖經中講嘅完全唔同，教廷話個古仔褻瀆天主教，我覺得少少啦，都唔會話反感，都係當套戲嚟睇。」
Eric
「我有睇過原著，不過部戲令我覺得太複雜，有啲睇唔明，睇完冇興趣再搵番本書睇多次。整體覺得部戲吸引力唔大，同埋唔係好算冒犯到天主教。」
