十歲男童涉嫌斬母，裁判官考慮會否批准警方申請保護令，暫時將男童交男童院看管，男童父母聞言當庭痛哭流涕，他們曾向裁判官肯求：「我唔想佢去男童院，個個父母都希望仔女可以留喺屋企。」二人離庭時雙手緊握着身形矮小的兒子肩膀，極不願意讓庭警帶走他。
官指未吸取教訓
男童父親庭上曾披露原來其子亦曾用生果刀嚇母，他曾試圖緩和母子間糾紛，「我有同個仔講，『唔好揸刀嚇你老母』，我話過佢兩至三次」但裁判官指：「你話過佢咁多次都唔驚，佢都幾頑劣。」
男童母親費盡唇舌為兒子解釋：「佢（兒子）嗰日放學返嚟已經發緊脾氣，佢家姐又搞佢最重視嘅棉被，佢即刻好暴躁，家姐又唔讓佢玩電腦，佢先咁樣做。」指兒子只想「嚇吓」她，又稱：「一年多前未有社工跟進，只係俾佢用刀指嚇過一次，自從有社工後，個仔已經乖咗，佢都唔算難教。」最後她更把事件遷怒社工，「轉咗社工梁生後，我個仔好少同佢溝通，而且佢唔多嚟我哋屋企做家訪。」她又抱怨說：「如果佢（姓梁社工）跟足啲我個仔，就唔會搞到今日咁啦！」
裁判官表示，男童不聽話，而且由用生果刀變為用菜刀威嚇母親，情況危險，而男童母親在事件中明顯未有吸取教訓，決定先等候報告再作考慮。
本報記者