何韻詩今日推出專輯《OurTimeHasCome》，早前到了北京拍攝音樂短片和唱片封套，當日天氣接近0℃，阿詩凍到不停打噴嚏，她說：「原先喺室內取景，不過覺得嚟到北京，喺影室影好似好嘥咁，同事見我着露臍裝，怕我冷親個肚臍，最後我都堅持要影兩張，冇人可以阻止我做嘢，哈哈！」
帶哥哥入行
阿詩表示新碟找了她哥哥何秉舜做歌曲監製，也為她的音樂短片《花見七九八》做配樂，阿詩說：「佢加入咗做我哋音樂班底，佢好搶手㗎，幫我做完舞台劇《梁祝．下世傳奇》之後，都不知幾多人搵佢表演，我都算係帶佢入行喇！」
撰文：林妃