有啲人好驚香港俾人邊緣化，華華就話坐喺度驚，不如做吓嘢等自己唔得閒驚仲實際啦，好似我哋嘅唐司長唐英年，噚日出席喺會展搞嘅2006中國國際徽商大會（香港）剪綵，見在場有咁多嚟自世界各地的商界代表，成千人出席呢個開幕式同投資說明會兼簽約儀式，佢即刻把握時機，積極推介香港，叫啲內地企業好好利用香港呢個國際金融中心嘅平台。
佢話，過去香港都幫咗唔少內地企業籌集資金，累計至今都有約1400億美元。而單係噚日個大會，就有790個重點招商項目如文化產業、旅遊業、基礎設施、農業、製造業等，投資額達508億美元。華華喺會上見到安徽省長同佢傾到好鬼投契，又好肉緊咁握手，唔通唐司長又有收穫？
梁鑑章攝