荷李活動作男星尚格雲頓（JeanClaudeVanDamme）拍功夫片拍到成為國際知名巨星，佢叔父AlexVanDamme，就喺西貢炒樓炒到無人不識，專吼靚景殘裝修嘅盤，壓價買入，再不惜工本執到靚靚之後，高市價幾成放盤，一買一賣往往賺幾百萬。
勝景別墅轉手賺三成
呢位投資老手最新鮮熱辣嘅成交，係銀線灣勝景別墅雙號屋，中原西貢高級分區經理劉國輝透露，間屋2361呎，成交價2000萬，呎價8471，創新高，比月頭嗰宗1500萬成交，高出超過三成，歸功於幾百萬嘅豪裝，即使間屋無乜景，都吸引到個港島客高價入市，原業主尚格嘅阿叔舊年11月以1200萬買入，揸咗半年勁賺800萬，物業升值66.7%，絕對跑贏大市，而且升幅好誇張。
代理話，AlexVanDamme𠵱家喺西貢持有超過10件貨，保守估計市值逾1.5億元。至於尚格雲頓只係喺04年以8500萬元，買入九龍站君臨天下高層相連單位，之後就冇再入市?。
電郵地址：[email protected]
