汪阿姐呢排因為西九問題好嘮嘈，佢仲成日質疑點解冇政黨幫佢哋手，諗吓喺邊度搞個粵劇場地好。好彩，皇天不負有心人，喺阿姐一大輪嘮叨後，民建聯終於聽到喇，仲會採取行動冧吓阿姐㖭。
係咩行動咁巴閉？原來佢哋會喺一直力推嘅東南九龍計劃入面，建議加建一個粵劇場館，等啲大佬倌可以有個地方活動吓，唔使冇定企。
雖然汪阿姐一直都想喺北角邨搞粵劇場所，但民建聯覺得難度比較高，所以建議選址東南九龍，仲話嗰度都唔差㗎，一定可以一連幾晚都搞到曲藝會。唔知呢啲建議，阿姐收唔收貨呢？
傳真︰2623-9278
電郵︰[email protected]