陳小春噚日到新城接受訪問，佢將會於下周日（21日）為無綫嘅《萬眾同心公益金》同朱慧敏表演探戈舞，但佢似乎對同梁榮忠車震嘅女主角朱慧敏有啲避忌，又話同對方仍未正式綵排，佢話：「要夾！唔通上台先夾咩？除非嗰個朱慧敏係探戈能手啦！」小春仲埋怨每次慈善表演都要佢跳舞，佢話想嘗試跳海同跳青馬大橋，唔通佢真係咁驚朱慧敏？