梁詠琪（GiGi）日前去咗上海拍攝MV，噚日凌晨又匆匆返港，點知幾乎出事。噚日佢接受商台訪問嗰陣話：「架飛機好搖呀，仲震住咁落機。」問佢驚唔驚遇上空難？GiGi即刻「啋」一聲，仲話：「不過我都覺得大難不死，我會更加珍惜人生，但有啲嘢冇得避。」講番細個嗰陣嘅驚險事件，GiGi話：「我試過玩滑浪跌到落水底，膊頭仲撞到石；又試過滑雪撞到個頭，搞到腦震盪。」