一向注重樓宇質素嘅新地，憑住好耐以前累積番嚟嘅優質樓宇品牌形象，最近又再成為網上投票嘅大贏家，由雅虎香港舉辦嘅2006年度「感情品牌大獎」選舉，新地以81萬票成為最受港人歡迎嘅七大品牌之一，係繼今年4月由內地媒體協辦嘅「2006中國消費者最喜愛香港品牌」選舉中，新地觀塘apm商場奪得商場品牌金獎之後，又再一次網上揚威。
今次雅虎香港搞嘅選舉，一共有210個候選品牌，由網民按唔同界別投票選出最愛品牌，新地喺地產及代理界別中勝出，同時因為有81萬網民投佢一票，成為最高票數嘅七大品牌之一，可以算係雙喜臨門。
其實新地舊年都曾經攞過另一網上投票殊榮，由世界傑出華商大會組委會，同搜狐網聯合舉辦嘅「華商影響力100強」網上調查，由全球網民選出100位最具影響力嘅傑出華商，新地郭炳湘亦入咗十大。
不過，新地近排一連串動作，就令形象失咗啲分，要知道優質企業形象得來不易，累積多年嘅良好招牌，要珍惜呀！
電郵地址：[email protected]