名模周汶錡（左）大前日出現喺赤鱲角機場，當時除咗佢之外，仲有兩名男性朋友（左二及右一）同行，佢哋坐喺登機閘口有傾有講，問佢準備去邊度玩？周汶錡就話：「我哋準備去瑞士轉飛機，然後再去馬德里，呢次主要去西班牙一個荒島，拍攝西班牙多款皮鞋廣告。」周汶錡上機時就坐頭等艙，而佢兩名助手就坐經濟艙。