原子鏸昨日穿上背心及迷你裙出席一個內衣活動，不過仍難掩其36D飛彈身材，她更帶領模特兒示範自創的健胸舞，性感衣着配合大動作舞步，令現場人士均熱血沸騰。
原子鏸和兩名外籍模特兒昨日出席在上環麗柏酒店舉行的「黛安芬胸圍」發布會，原子鏸更帶領兩名穿上全新Form&Beauty系列胸圍的模特兒，示範她自創的健胸舞。
自覺身材普通
雖然原子鏸刻意穿上背心及迷你裙，不過仍難掩其呼之欲出的上圍，其迫爆的程度看起來起碼有36D，加上大動作的舞步，現場氣氛竟與室外的3號颱風橫風橫雨的天氣非常脗合，看得在場人士熱血沸騰。
不過原子鏸否認有D級上圍，她表示自小在外國生活，所以並不覺得自己身材突出，她說：「喺外國我呢種身材好普通，身邊嘅鬼妹身材都好勁，同埋戴唔同嘅bra同着唔同嘅衫，都會有好大嘅視覺效果分別。」
有Lace好襯衫
原子鏸也坦承在外國會穿得較為性感，她說：「喺外國出街跑步做運動，我淨係着全個運動型嘅bra出街，嗰度大家都係咁，不過喺香港就會有好多奇怪嘅眼光，所以搞到我都唔敢着成咁出街。」近年流行內衣外露的穿着方式，她表示會刻意挑選適合的胸圍配襯，她說：「我會揀啲有lace嘅胸圍，有時露少少都幾靚嘅。」
採訪：KellyCheck
攝影：RickyChan
