通常拍劇做乖仔嘅劉愷威（左），轉咗自由身第一次去拍亞視劇《義無反顧》，就急不及待要做大反派。佢噚日同寶珮如（右）等去亞視試造型，着到西裝骨骨，佢話：「因為我𠵱家又接咗一套德國人投資嘅電影，所以如果呢套劇開埋，就叠住一齊拍。喺劇入面我好現實，真係一個幾大嘅挑戰。」如果套劇撞啱老竇劉丹喺無綫有劇上咪變咗打對台，威仔就話：「唔係咁講嘅，爹哋贊成我做任何嘢。」