有啲品牌就算有着數嘢都做得好低調，好似嗰日行過海運FACES內嘅APIVITAcounter，買完嘢先知道counter內特設茶座，方便顧客行得攰坐低唞唞飲杯GoodMorningTea；嫌坐低無嘢做咩，又可以請美容顧問為你免費做15分鐘手部按摩，真係爽到爆！為此特地詢問品牌PR，佢話只要有幫襯都可以免費請飲茶；至於免費手部按摩，原本不限人數，但因敝報讀者太多喇，驚講咗出嚟會做唔切，所以𠵱家每日免費人數只限10位。真係太睇得起《蘋果》，不過我係唔係唔應該爆出嚟累街坊呢？
記者：曾順珍
＊提提你：要做手部按摩，就請電：21132864預約。