由鄭中基、方力申及梁漢文主持的節目《美女廚房》前晚在電視城錄影第一集，邀得郭羨妮、楊恭如及廖碧兒三位靚女擔任嘉賓，幾人試拋印度薄餅，但均是有姿勢冇實際，郭羨妮和廖碧兒都將薄餅轉到落地下，而楊恭如更將薄餅拋到穿窿，被評判譚校長取笑為穿窿底衫。
鄭中基再次以笑匠身份為無綫主持節目，今次節目《美女廚房》更夥拍同公司的梁漢文及方力申，邀請嘉賓到場顯廚藝，前晚嘉賓有郭羨妮、廖碧兒及楊恭如，並邀得譚詠麟和彭健新及他的愛犬OK仔擔任評判，阿倫到場不忘為自己即將上映的電影《左鄰右里》做宣傳，並以戲中造型亮相，肚腩凸凸，認真懂爭取機會。
慘變穿窿底衫
三位靚女跟印度師傅學整印度薄餅，不過她們都是有姿勢冇實際，楊恭如將薄餅整到穿窿，被評判阿倫取笑她整到像件穿窿底衫，而郭羨妮跟廖碧兒也不遑多讓，將整塊薄餅轉落地下，非常搞笑。
陳豪甜蜜食餅
廖碧兒表示閒時在家都有弄曲奇餅及蛋糕，問她男朋友有否試過手勢，她即醒目地稱自己沒有男朋友，至於緋聞男友陳豪有否嘗過其手勢，她說：「佢有食過，因為我整完通常夜晚帶入廠。」問她陳豪給予何評價，她笑稱：「夜晚肚餓，食乜都話好食啦！」
那麼廖碧兒可知陳豪烹調西餐的技術也是一流，她說：「係咩？我睇報紙知，但就未試過。」
採訪：王連連
攝影：仇志德
