【本報訊】近年港人對食品質素要求愈來愈高，大型連鎖超巿連番被發現肆無忌憚售賣過期食品後，部份消費者忍無可忍轉為光顧近期興起、走高質路線的個體超巿；如專售日本食品的「一番食材」，近月來便多了離棄大型超巿的街坊客光顧。 記者：蔡朗清
正在跑馬地日式超巿一番食材選購食品的陳女士，因近月百佳、惠康屢被揭發售賣過期食品，鮮有到該等超巿購物；她說：「我對食品質素要求好高，𠵱家唔去百佳、惠康，轉移嚟多啲呢類高檔超巿。」
七成貨來自日本
另一街坊羅太則在選購有機菜，她表示：「百佳、惠康早前被揭售毒菜，我寧願貴啲買有機菜。」
林先生更一口氣買了三百多元神戶牛扒，「買米買油就喺一般超巿，食好嘢就要去高檔啲嘅超巿。」
一番食材經營逾年，其負責人楊夏龍表示，近年港人對超巿食品質素要求日益提高，由過去毫不理會包裝上的有效食用日期，到現在仔細留意食品標籤；部份消費者更不會介意付多些金錢，購買較優質的食品，故公司走中高檔路線，售賣貨品約七成來自日本。
楊夏龍說，主打貨品分別為肉類及蔬果，前者有來自澳洲、美國及加拿大的頂級牛扒，例如最頂級Masterkobe純種神戶血統的牛扒，100克售180元，價錢較大型超巿售賣的新西蘭、巴西牛扒，高以10倍計。
有機蔬菜受歡迎
蔬果大部份來自日本，如現時當造的靜岡蜜瓜、長崎枇杷果等，楊夏龍解釋：「啲日本水果點解咁貴，好似靜岡蜜瓜一藤只有幾個，但果農會將較差嘅蜜瓜摘掉，剩番最靚、營養最豐富嘅出售。」
他續稱，近月大型超巿被指售賣毒菜，店舖的有機蔬菜亦相應多了顧客購買，「我哋會好着重菜嘅質素，見到開始變黃會棄掉，唔會好似一啲超巿咁減價促銷。」
