名模AnaR.昨日往觀塘出席世界盃活動，配合主題，穿上睡衣短褲與男拍檔在床褥和浴缸玩作一團，香艷惹火。談到波經，AnaR.表示最喜歡碧咸，年前皇馬球星訪港，她見過眾球星，對滿身體毛的男士卻大呼怕怕。
名模AnaR.昨日往觀塘apm商場宣傳「通宵瞓身睇世盃」活動，穿性感睡衣及背心熱褲的她與男模特兒在浴缸、床褥上玩作一團，相當投入。
捧靚仔碧咸
AnaR.衣着性感與男拍檔卿卿我我，問她會否尷尬？她說：「唔會，當係工作咁做啫，再性感啲嘅衫我都着過啦，不過商場咁多人，咁多對眼睇住，都有少少怕醜。」
談到四年一度的足球盛事世界盃，AnaR.說：「我唔算係瘋狂球迷，就算上屆世界盃我身在韓國，都冇買飛入場，不過都會同男友（周立璟）喺屋企睇波，去酒吧睇就唔會啦。」問AnaR.捧哪個國家及球星？她說：「我有一半韓國血統，會捧韓國同日本隊，我都好欣賞中國隊，即使佢哋今次打唔入決賽周，佢哋已經好努力。至於球星，我都係鍾意碧咸（DavidBeckham），佢又靚仔，身形又好，好有男人味。」
嫌棄多毛球星
球星中不乏好波之人如朗拿度（Ronaldo）及朗拿甸奴（Ronaldinho），問AnaR.為何只欣賞靚仔，她即說：「我唔鍾意，佢哋好醜樣，同埋我最怕多毛嘅男人，上次皇馬訪港，佢哋班球星去Dragon-i玩，我都喺現場，近距離見到佢哋個個都好多毛，真係嚇一跳。」
採訪：DebbieLum
攝影：DickyChan
