可能你見到佢會調頭走，聞到就想嘔，但係唔好意思，夏天一到，榴槤又當造，唔單止周圍都有人食，仲有新特飲推介。
LOKCAFE師傅Leo，今個夏天特別調配咗款榴槤特飲，因為佢自己特別偏愛榴槤，金枕頭嘅香甜，令佢諗到以榴槤天然嘅甜味代替糖水，而且榴槤同忌廉一樣咁滑非常夾，榴槤咖啡實得人心。
金枕頭同其他榴槤有乜唔同？佢個尾部呈尖形囉。榴槤的產期全年都有，以極品金枕頭嚟講，喺泰國，4月中旬開始係盛產期，一直延續至6月都係當造。
榴槤咖啡$28（須預訂）
鮮奶及鮮忌廉糖份重沉底，中層嘅咖啡用榴槤代替糖水，加埋面層嘅忌廉加榴槤肉，滑不留口。
李生︰「我鍾意個榴槤咖啡，甜得夠自然，榴槤又香。」
LOKCAFE
地址︰尖沙嘴樂道21A龍華廈2樓
電話︰23011997
