話說近期有外籍租客多咗搵啲新區落腳，由於有房屋津貼，佢哋出手往往都比較豪，好似馬灣珀麗灣，最近有個德國客用呎租18.3元，租咗個981方呎單位，比屋苑平均呎租高出三成以上。 當然，要吸引呢批客，間屋亦要執得好啲，呢個單位有齊全新裝修及家庭影音組合，可即租即住，對於人生路不熟嘅外籍人士嚟講，都係一個賣點。 講開又講，近期珀麗灣個二手交投差咗，或者會多啲投資客將單位出租。前排珀麗灣3期賣樓時，代理商就送家具套餐優惠，咁投資客可以慳番多少，集中火力執靚間屋，有望租好啲。